超推日本手工網Minne

特別寫一篇唔係推薦商品，而係推薦一個網頁。 平日會係香港買啲日系首飾，除咗大部份人都識嘅Osewaya，仲有啲冇咁商業嘅手工製作，作品一樣非常有質素。 睇過幾個網，Minne嘅藝術家最齊，除咗首飾，仲會有皮革、食品等等。因為通常作品都係手作非廠製，數量有限，有啲比較受歡迎嘅作品，仲有機會要搶購！但勝在難撞款，手工精細，仲要平！見過香港網店都係響上面訂，但賣兩三百嘅耳環，自己訂都只係$60-$120，加上輕身，買好多首飾運費都只係計1磅價錢！非常超值！ 所以極推介對日本手工有興趣嘅朋友去尋寶，分分鐘用咗全日時間嚟Phone Shopping 遲下有特別飾品到手，可能會再推一次！